БЕОҐРАД – Социялно-економски совит по 15. септембер мал усоглашиц минималну цену роботней годзини за 2016. рок, а понеже то нє зробел, Влада Сербиї вчера одлучела же минимална цена роботней годзини останє 121 динар.
Синдикати роботнїкох ше закладаю за минималну цену од 143,5 динари, док з Униї роботодавательох Сербиї гваря же нєт условия за подзвиганє цени роботи.
Предсидатель Униї Небойша Атанацкович гварел же треба злєпшац привредни амбиєнт, а єдно з основних ришеньох за тото то звекшанє числа малих и штреднїх подприємствох, бо би тоти поднїмателє превжали часц нєзанятих.