РУСКИ КЕРЕСТУР – Министер польопривреди, лєсарства и водопривреди Бранислав Недимович, як и предсидатель Општини Кула Дамян Милянич, наютре 7. новембра, нащивя польопривредне ґаздовство Владимира Горняка у Руским Керестуре.
Зоз домашнїм, Владимиром Горняком, як и зоз другима польопривреднїками, министер будзе бешедовац о проблемох зоз хторима ше польопривреднїки зочую, як и о можлївих субвенцийох и других порушуюцих средствох хтори Министерство понука польопривреднїком.
Министра польопривреди и предсидателя Општини дочека предсидатель Совиту месней заєднїци Владимир Олеяр, а сход предвидзени за 13,45 годзин.
Окрем ґаздовства у Керестуре, министер предлужи обиходзенє польопривредних ґаздовствох у Кули.