Мирович и Батез прияли Михаила Дудаша

автор танюґ/сен
1.2k Опатрене

НОВИ САД – Резултати Ивани Шпанович и Михаила Дудаша, котри освоєли златну и бронзову медалю на Европским першенстве у атлетики у Амстердаме, обовязує Покраїнску владу же би обезпечела лєпши условия за атлетичарох, гварел вчера предсидатель Покраїнскей влади Иґор Мирович на приєму за Михаила Дудаша, його тренера Федю Камсия и чолнїкох Атлетского союзу Сербиї и Атлетского союзу Войводини у Покраїнскей влади.

У сотруднїцтве з локалнима самоуправами, атлетским и другима союзами, Покраїнска влада будзе робиц на витворйованю инфраструктурних атлетских проєктох, обецал Мирович.

Михаил Дудаш визначел же нєобходне обезпечиц локацию за тренированє, окреме за руцанє копиї и диску, понеже кед почнє вибудов тарґовинского центру при стадионє „Карадьордє“, место дзе ше тераз вежба вецей нє годно хасновац.

На Олимпийских бавискох у Риу Михаил планує „нападнуц“ державни рекорд, а як гварел, найзначнєйше же после двох рокох павзи, у вецейбою знова освоює вецей як 8 000 боди.

3-Dudas-02

ПОВЯЗАНИ ТЕКСТИ