Мирович превжал длужносц од Пайтича

автор зам
1.2k Опатрене

НОВИ САД – Нововибрани предсидатель Покраїнскей влади Иґор Мирович вчера превжал длужносц од дотерашнього предсидателя Бояна Пайтича, преноши портал Покраїнскей влади.

Примопридаванє длужносци окончене у будинку Покраїнскей влади, дзе вчера длужносц превжали и нови члени Покраїнскей влади.

Вчера отримана и перша схадзка влади Войводини, на хторей бешедоване о кадрових питаньох.

Предсидатель Мирович покраїнских секретарох задлужел же би спатрели стан у своїх секретариятох, а окреме же би окончели финансийну ревизию пре утвердзованє ресурсох и потенциялох за запровадзованє новей политики Покраїнскей влади.

За секретара Покраїнскей влади на схадзки менована Татяна Ґашович.

Мирович за предсидателя Покраїнскей влади вибрани пондзелок, 20. юния, кеди вибрани и члени новей войводянскей влади, хтора ма 12 секретарияти, єден вецей як дотерашня.

2-APV-02

ПОВЯЗАНИ ТЕКСТИ