Мирослав Ковач найлєпши слем-поета на Фестивалє поезиї младих

автор апм
1k Опатрене

ВЕРБАС – Медзи наградзенима поетами на прешлого тижня отриманим 48. Фестивалє поезиї младих и Вербащан Мирослав Ковач, котри достал награду за найлєпшого слем-поету. На Фестивалє у слем-поезиї ше змагал пияток, 27. мая.

З тей нагоди Ковач за Рутенпрес гварел же ше з тоту награду закончел єден круг його творчосци, хтори започал з Награду „Станко Симичевич” – за найлєпшого младого поету на Фестивалє поезиї младих 2005. року.

Мирослав Ковач тераз пририхтує другу збирку поезиї, за хтору ше наздава же конєчно видзе на його мацеринским, руским язику.

Побиднїк 48. Фестивалу поезиї младих Марко Краґович з Беоґраду, а по традициї, награда будзе друкованє його першей збирки писньох. Другу награду достала Мария Чалич, а трецу Мария Радич. На закончуюцим вечаре прешлей соботи у музичней часци програми наступели Кики Лесендрич и „Пилоти”.

ПОВЯЗАНИ ТЕКСТИ