БЕОҐРАД/НОВИ САД – Образованє о репродуктивним здравю єден з цильох отримуюцого розвою хтори поставели Зєдинєни Нациї, визначене на округлим столє у Народней Скупштини з тему „Цилї отримуюцого розвою у Републики Сербиї“.
Покраїнска секретарка за спорт и младеж Мариника Тепич на сходзе представела проєкт „Здравствене воспитанє о репродуктивним здравю” и наглашела же треба превентивно дїйствовац пре очуванє здравя младих.
– Уж треци рок войводянски штредньошколци, односно школяре других класох, прейґ того проєкту маю нагоду учиц о своїм репродуктивному здравю, нє лєм о анатомиї, сексуалносци и полно преношуюцих хоротох, алє и о родней ровноправносци, правох, та шицких психолоґийних аспектох – гварела Тепичова.