РУСКИ КЕРЕСТУР/ОДЖАК – Млади каратисти Карате клубу „Русинˮ на 11. Интернационалним змаганю „Златна песцˮ у Оджаку, всоботу 26. октобра, посцигли значни успихи, гоч им то було перше змаганє.
На тим змаганю участвовало коло 300 змагателє зоз 25 клубох з Румуниї, Босни и Герцеґовини и Сербиї.
Наш клуб представяли пецеро змагателє: Хана Будински, Каролина Пап, Йована Фаршанґ, Максим Катона и Патрик Варґа, хтори ше змагали у двох катеґорийох – кати поєдинєчно и борби поєдинєчно, а за змаганє их пририхтала Марина Надь.
У катеґориї кати поєдинєчно два перши места завжали Хана Будински и Патрик Варґа, а три други места Максим Катона, Каролина Пап и Йована Фаршанґ.
У борбох поєдинєчно два перши места завжали Йована Фаршанґ и Максим Катона, а три треци места освоєли Патрик Варґа, Хана Будински и Каролина Пап.
Змаганє орґанизовали Шотокан Карате Союз Сербиї и Спортски клуб „Младосцˮ зоз Оджаку.
