НОВИ САД – Еґзит фестивал и Студентски културни центер Нови Сад розписали конкурс за младих музичарох, котрим даваю нагоду же би наступели на даєдней з главних бинох на Петроварадинскей твердинї од 7. по 10. юлий.
Бенди, ди-джеє и шицки музичаре ше можу приявиц прейґ апликациї на www.exitmusic.rs по стреду, 11. мая, а буду вибрани 30 найлєпши состави и уметнїки з цалого швета.
Заинтересовани треба же би отворели профил и поставели найменєй два свойо нумери, лєбо ди-джей микси на „SoundCloud”, та же би их, вєдно з биоґрафию, фотоґрафиями и назначеним музичним жанром, положели ґу своєй прияви на сайту www.exitmusic.rs.
Тоти хтори уж маю профили на тим сайту, досц лєм же би на своїм особним боку кликли на прияву за 2016. рок.