ДЕРОНЄ – Млади рукометашки Дерону до 12 рокох (Ж12), вошли медзи осем найлєпши екипи у Войводини, а на основи резултатох хтори посцигли на нєдавних двох турнирох. У екипи бавя и штири бавячки з Руского Керестура, одкаль и їх тренер Славко Надь.
На турнире у Приґревици, 11. новембра Дероньчанки страцели обидва змаганя, од Лакия з Червинки и 5:6 и Темерину 3:11, а у Червинки, 15. новембра, зазначели два побиди, процив Темерину 7:4 и Приґревици 9:8.
Спрам пропозицийох Лиґи младших катеґорийох Рукометного союзу Войводини (РСВ) Дероньчанки вошли медзи осем найлєпши екипи и буду твориц Супер лиґу Ж12, у сезони 2020/21. а змаганя маю почац у фебруару, розуми ше, кед годно пре епидемию.
Треба визначиц же у екипи Дероню, бавя и штири бавячки з Руского Керестура, а то Аня Симич хтора и капитен и найлєпша ґолґетерка, потим Емина Няради, Саня Кандрач и Мая Сивч.