ШИД – Вчера Дом здравя у Шидзе вчера достал вредну донацию – мобилну амбуланту – дарунок Канцелариї Популацийного фонду Зєдинєних нацийох, а Дому здравя придати и ґинеколоґийно-акушерски стол и ултра-звучна опрема.
Донацию директорови Дому здравя др Крстови Курешови придали директорка Канцелариї УНФПА у Сербиї др Доина Болоґа, стаємна координаторка Зєдинєних нацийох у Сербиї Ирена Боячкова Солорано и помоцнїца минстра здравя др Весна Кнєґинїч.
З тей нагоди у Шидзе бул и министер за роботу, обезпечованє роботи, борецки и социялни питаня Александар Вулин, котри з др Курешом, як главним координатором роботи гуманитарних орґанизацийох за медицинску помоц миґрантом на тим просторе и госцами нащивел Прилапююци центер за миґрантох у Шидзе.
