ДЮРДЬОВ – Управа и члени Фодбалского клуба „Бачка” зоз Дюрдьова на соботу 26. марца орґанизую бал – „Червено-били вечар”. Попри вечери и танцу, орґанизована и богата томбола. Главна награда будзе бициґла, друга телевизор, а треца таблет. „Червено-били вечар” будзе орґанизовани у просторийох КУД „Тарас Шевченко” у Дюрдьове, на 20 годзин.
З кажду купену уходнїцу достава ше вечеру и нєогранїчени напой, кошта 1 800 динари, а резервациї уходнїцох примаю Драґан Римски (064 840-22-92) и Мирко Тривун (064 348-72-16).