Мож посилац литературни твори за Награду Александра Духновича

автор инт.нов.aкад.русин.култ/зам
802 Опатрене

ЗЄДИНЄНИ АМЕРИЦКИ ДЕРЖАВИ – Карпато-русински наукови центер у ЗАД концом прешлого мешаца обявел конкурс за Награду Александра Духновича за русинску литературу за 2015. рок, а остатнї термин за посиланє роботох на конкурс 1. април 2015. року.

Зоз 1 000 америцкима доларами и бронзову статуу карпатского медведза будзе наградзена нєйлєпша кнїжка поезиї або прози написана по русински и обявена у периодзе од 2010. по 2014. рок.

Награду финансує Штефан Чепа з Торонту, а додзелює ю Карпато-русински наукови центер у ЗАД.

Автор, лєбо видаватель, на конкурс ма послац по три прикладнїки литературного дїла, з кратку биоґрафию автора. Роботи будзе оценьовац комисия у составе Патриция Кравчик и Боґдан Горбаль, обидвойо з Америки, и Олена Дуц Файфер з Польскей.

Патрициї Кравчик з Америки треба послац два прикладнїки, на адресу: Patricia Krafcik, The Evergreen State College, Olympia, Washington 98505  USA (e-mail: krafcikp@evergreen.edu), а Олени Дуц Файфер єден прикладнїк, на адресу: Olena Duć-Fajfer, ul. Chełmońskiego  72E/13, 31-340 Kraków, Polska.

 

 

ПОВЯЗАНИ ТЕКСТИ