Мож придац вимоги за рефундованє ПДВ на опрему за беби

автор сен
851 Опатрене

БЕОҐРАД – Родичи и старателє бебох до двох рокох старосци по 15. юлий можу придац вимоги за врацанє ПДВ на єдзенє и опрему за беби. Право ше витворює на основи писаней вимоги на окремним РФНБ паперу, ґу хторому треба приложиц и фискални рахунки, їх фотокопиї, список числох фискалних рахункох и шицко придац до филияли Порцийней управи у општини пребуваня.

Право на рефундованє маю родичи и старателє чий нето приход у 2015. року менши од милион 12 766 динари, а маєток на хтори плаца порцию нє шме буц векши од 24,68 милиони динари.

З рефундованя ПДВ на єдзенє и опрему за беби котра ма менєй як рок мож достац вєдно 42 198 динари, а по други рок ище 31 648 динари, цо за два роки виноши вєдно 73 847 динари.

На основи придатих вимогох у фебруарским термину Порцийна управа принєсла 38 971 ришенє за рефундованє ПДВ, а родичом и старательом виплацене вєдно 241,25 милиони динари.

ПОВЯЗАНИ ТЕКСТИ