ШИД – Оддзелєнє за дружтвени дїялносци Општинскей управи Шид обвисцело гражданох о можлївосци за доставанє статусу енерґетски загроженого купца, на основи Уредби Влади Републики Сербиї.
Окрем приходох-заробку по членох ґаздовства, за статус енерґетски загроженого купца треба придац и потвердзенє о хаснованю социялней помоци и дзецинского додатку, медицинску документацию за одредзени здраваствени стан подношителя вимоги и остатнї рахунок за електричну енерґию.
Як наглашене у Општинскей управи, додатни информациї мож достац у Услужним центре Општинскей управи (Цара Лазра 7), дзе ше вимоги и придава, а информациї о тим мож видзиц и на сайту Општини Шид – www.sid.rs.