РУСКИ КЕРЕСТУР – У Здравственей амбуланти у Руским Керестуре од стреди мож прияц вакцину процив сезонскей ґрипи, а достати 300 дози, по дотерашнїм искустве, достаточни за шицких цо ю жадаю прияц – гварела за Рутенпрес руководителька Амбуланти, спец. общей мед. др Златана Надь.
Интересованє за вакцини стандардне, та ю по вчера прияли коло 50 жителє, углавним штреднїх и старших рокох, котри вакцину примаю кажду сезону.
За приманє вакцини ше у Амбуланти треба приявиц вибраному лїкарови, бо ю нє шме прияц прехладзена особа, лєбо под антибиотску терапию, покля ше ю нє закончи.
Вакцини процив ґрипи безплатни и мож их прияц кажди роботни дзень у роботним чаше Амбуланти од 7 до 19 годзин.