РУСКИ КЕРЕСТУР – Тогорочни Днї керестурскей паприґи буд отримана 15. и 16. авґуста, а на схадзки Орґанизацийного одбору Манифестациї, отриманей стреду, 1. юлия, бешедоване о госцох, викладачох, та о других детальох Манифестациї.
На Днї керестурскей паприґи приду делеґациї Руснацох з Румуниї, України и Словацкей, одкупйоваче паприґи, та представителє нашенских хижох, хтори буду мац и свойо штанди.
Перши дзень будзе сход паприґарох, одкупйовачох и госцох, одход на поля и совитованє о продукциї паприґи. Пополадню у центре валалу будзе отверанє Манифестациї, културно-уметнїцка програма и розвага.
Уж традицийне варенє єдлох у котлох орґанизаторе препуща другим Керестурцом, так же поволую подприємства, лєбо поєдинцох, же би ше приявели за варенє єдлох, з наглашеньом же шицок заробок од предаваня єдлох будзе исц праве кухаром. Заинтересовани най ше приявя Душици Орос, на тел. 064/97-81-413.
Други дзень Манифестация будзе на Гиподроме Леї, дзе буду конїцки змаганя и розвага з музику, утвердзене на схадзки Орґанизацийного одбору.