Мож ше приявиц за волонтиранє у проєкту „Живи информатор“

автор ртв/сен
1k Опатрене

НОВИ САД – Здруженє „БалканИДЕА“ поволує младих од 17 по 25 роки з Нового Саду и сушедних местох же би ше приявели за длугорочне волонтиранє на проєкту „Живи информатор“. Волонтере буду участвовац у виглєдованю о планох кариєри медзи штредньошколцами, та у пририхтованьох, промоциї и реализациї обукох за младих и збуваньох „Живи информатор“.

Млади на обукох „БалканИДЕИ“ годни научиц як ше запровадзує виглєдованє, як ше роби у тиму, а можу ше приключиц до спомнутого Здруженя и участвовац у його порядних активносцох, пише у поволанки.

„БалканИДЕА“ ше занїма з твореньом и змоцньованьом капацитетох, активним уключованьом младих до дружтва през принципи єднакосци, нєформалного образованя, волонтеризем и интеркултуралне ученє.

Заинтересовани за уключованє до таких активносцох можу ше приявиц по 22. септембер, а вецей информациї о приявйованю мож опатриц на Фейсбук боку www.facebook.com/balkanideans/?fref=ts

 

 

ПОВЯЗАНИ ТЕКСТИ