Мож ше приявиц за курс о социялдемократиї

автор  сен
1.1k Опатрене

БЕОҐРАД – Заинтересовани млади особи ше можу приявиц на конкурс за додипломски курс о лївих идейох „Универзитету социялдемократиї“, хтори будзе отримани од 8. априла по 1. юлий. Наменєни є младим членом социялдемократичних партийох, дружтвеним активистом, студентом и новинаром, а приявиц ше мож по 22. марец.

Млади котри буду слухац тот курс дознаю о розвою идеї социялдемократиї, з якима виволанями ше зочує, а преподавац буду професоре универзитетох и експерти з рижних обласцох, котри младих унапрямя на дальше усовершованє и критицке думанє, наявели орґанизаторе з Фондациї „Фридрих Еберт”.

Настава на Универзитету социялдемократиї 2015. будзе отримована раз тижньово у Беоґрадзе, а у рамикох проєкту раз мешачно буду орґанизовани и єднодньово семинари.

Приявиц ше мож на сайту www.fes.rs , а за вецей информациї мож писац на мейл адресу unisd.fes@gmail.com

 

ПОВЯЗАНИ ТЕКСТИ