РУСКИ КЕРЕСТУР – „Литературне слово”, додаток „Руского слова”, вєдно з младежску орґанизацию „Pact Ruthenorum”, поволує писательох и писательки же би ше приявели за участвованє на литературним вечаре „Оживйованє Литератури по руски!”, хтори будзе 5. авґуста на озерку у Руским Керестуре.
Заинтересовани можу послац найвецей штири роботи на е-адресу ruske.literaturne@gmail.com, найпознєйше по 20. юлий. Найлєпши твори буду презентовани на тим вечару и обявени у виданьох „Руского слова”.
Вечар будзе орґанизовани пре явне представянє литературней творчосци хтору ше обявює у Фейсбук-ґрупи „Литература по руски”, черанє искуства, розгварку о положеню писательох, їх перспективи и другим.