ЗАХОДНОБАЧКИ ОКРУГ – Представителє младежских здруженьох, канцеларийох за младих, та орґанизацийох хтори ше занїмаю з младима зоз Заходнобачкого округу, можу ше приявиц на тренинґ о програми черанки школярох Еразмус+.
Тренинґ будзе 12. и 13. децембра у Зомборе, а учашнїки годни унапредзиц знанє о цильох, приоритетох и можлївосцох хтори понука програма Еразмус+, дознац о мобилносци младих и младежских роботнїкох, та о основних процедурох за приявйованє у рамикох компоненти Ключна акция 2.
Тренинґ орґанизує ґрупа „Гайде най…” у сотруднїцтве зоз Зомборским едукативним центром. Приявни формулар мож найсц на сайту www.erasmusplus.rs.