КОЦУР – Стреду, 23. децембра, члени Мото-клубу „Пеґасус” з Коцура нащивели коцурску дзецинску заградку и шицким дзецом подзелєли пакецики з нагоди крачунских и новорочних шветох.
Моторкаше и того року ґу дзецом сцигли пооблєкани до дїдох мразох, а на вельких моторкох ношели мехи з пакециками.
Як за Рутенпрес виявел предсидатель Мото-клубу „Пеґасус” Дюла Байор, того року дзецом подзелєли 200 пакецики, хтори з часци финансовал Клуб з власних средствох, а з часци Општина Вербас.