РУСКИ КЕРЕСТУР – У центре Руского Керестура всоботу, 21. мая орґанизована мото-журка, хтору уж пияти раз орґанизовал домашнї Мото-клуб „Fire eyes” („Огньово очи”).
Як гварел предсидатель Клубу Владимир Малацко Мрґа, дванац члени Клубу на тим стретнуцу привитали любительох вельких моторкох нє лєм з блїзших и дальших местох, алє и з Горватскей и Босней и Герцеґовини, котри на стретнуце до Керестура пришли на коло 100 моторкох.
За учашнїкох, алє и других нащивительох стретнуца пририхтана пасуля з котла, а у вечаршей програми од 21 г. у лєтнєй загради погосцительного обєкту „Мaла оаза” наступели и два музични ґрупи – „Нешто између” з Кули и „Godfathers” з Червинки.
