СРИМСКА МИТРОВИЦА – З нагоди Святого Сави, школяром основних и штреднїх школох вчера у Городскей хижи шветочно додзелєни Святосавски грамоти. Додзелєни вєдно 67 грамоти школяром котри посигли замерковани резултати и успихи зоз сербского язика, природних наукох, дружтвених наукох, технїки, музики, подобовей и физичней култури, технїчного образованя и информатики.
Медзи наградзенима и школяре-Руснаци, лєбо по походзеню Руснаци, та медзи школярами ОШ, у катеґориї природних наукох Святосавску грамоту достал Коста Бесерменї, у катеґориї музики Исидора Козлина, а у катеґориї физичней култури Теодора Ванчик и Ваня Ванчик.
Медзи штредньошколцами наградзена и Мина Кузминац, за посцигнути резултати зоз сербского язика.
Попри Грамоти, награда и 9 000 динари, а професоре-менторе наградзених достали по 2 000 динари.
Школярох и їх менторох наградзує Город Сримска Митровица, односно його Управа за образованє, дзе уж наявени нови конкурс за награди концом фебруара.
