СРИМСКА МИТРОВИЦА – На националне швето Руснацох у Сербиї Гуманитарни фонд „Бесерменї” зоз Сримскей Митровици додзелєл награди за найлєпши роботи на подобовим конкурсу за младих, з назву „Требаш ми пре…”. Першу награду (10 000 динари) достала Наташа Ґеґич, другу (4 000 дин.) Кристина Якшич, а трецу (2 000 дин.) Андрей Савич.
Попри з додзельованьом наградох, Фонд националне швето означел и з пригодну културно-забавну програму на хторей присуствовали и представителє городскей управи, як и младим познати Милан Маґлов з Беоґраду.
На штварток, 21. януара, у Музею Сриму будзе отримана вистава „Ружа на хусточки”, як резултат креативней роботнї Музею Сриму и Дружтва Руснацох у Сримскей Митровици.
Отверанє вистави и пригодна програма у Музею Сриму, з хтору Дружтво Руснацох означи и националне швето Руснацох, на штварток буду на 18 годзин.
