Наградни литературни конкурс ЕУ за штредньошколцох

автор ядю
975 Опатрене

БЕОҐРАД – Делеґация Европскей униї (ЕУ) у Сербиї и Информативни центер ЕУ у Беоґрадзе розписали наградни литературни конкурс з тему „Европа и я”. На конкурсу можу участвовац лєм школяре других класох штреднїх школох зоз Сербиї.

Школяре можу конкуровац з есейом (нє вецей як 1000 слова) з тему „Европа и я”, у хторим треба же би написали цо їм представя Европска уния, яки им можлївосци понука и як видза свою будучносц у нєй. Есей, з особнима податками, треба послац по 15. април на е-адресу: info@euinfo.rs

Награди достаню пейц найлєпши есеї. Перша награда таблет-рахункар, а штири награди буду ваучери за купованє кнїжкох у вредносци од по 3 000 динари. Побиднїки конкурсу буду обявени 9. мая, на Дзень Европи, на Фейсбук боку „Европского дньовнїку”, а найлєпши есей будзе обявени и у публикациї „Европски дньовнїк”.

ПОВЯЗАНИ ТЕКСТИ