Найвекши плаци у Беоґрадским реґионє и у Войводини

автор днв/сен
660 Опатрене

БЕОҐРАД – Штреднї заробок у Сербиї, без порцийох и доприносох, прешлого мешаца бул 43 925 динари, цо за 1,7 одсто менєй у одношеню на авґустовску плацу.  Статистика указує же найвекши плаци доставаю заняти у Беоґрадским реґионє и у Войводини, а найменши на югу Сербиї.

У Беоґрадским реґионє штредня плаца 55 116 динари, а у Новим Садзе 49 296 динари. У войводянских округох найвисши плаци у Южнобачким – 46 040 динари, а найнїзши плаци доставаю заняти у Алибунару – 27 068 динари. У жабельскей општини штредня плаца була 37 199, а у вербаскей 36 793 динари.

У Заходнобачким округу штредня плаца була 41 848 динари, найвекша у општини Апатин – 44 497, док у општини Кула була 37 244 динари, у зомборскей 34 534, а у оджацкей општини 36 859 динари. На сиверу Войводини штреднї заробок бул 38 576 динари.

Штредня плаца у Южнобанатским округу була 43 324 динари, Сивернобанатским 38 245, а Штреднєбанатским 38 767 динари.

Менши заробок у Сриме, дзе штредня плаца 38 230 динари. У Сримскей Митровици штреднї зробок 39 247 динари, Индїї 39 181, Руми 34 911, а у Шидзе 37 281 динар.

ПОВЯЗАНИ ТЕКСТИ