Найвецей вивежене з кулскей општини

автор зам; фото: нмс
1.2k Опатрене

ЗАХОДНОБАЧКИ ОКРУГ – Як сообщує Реґионална привредна комора Зомбор, а преноши портал Наше место, у шицких општинох Заходнобачкого округу од януара по май того року зазначени економски суфицит у робней черанки з иножемством, а найвекши заробок витворени у кулскей општини – 18,66 милиони еври.

У цалим Заходнобачким округу робна черанка з иножемством у спомнутим периодзе виношела 182,4 милиони еври, дзе 115,52 милиони витворени прейґ вивозу, а 66,88 милиони еври прейґ увозу роби.

Найвецей вивожене до Босней и Герцеґовини – 25,38 милиони еври, Италиї – 24,8, Шпаниї – 13,37 милиони еври, а найвецей роби увежене з Италиї – за 16,38 милиони еври, Ческей Републики – за 6,74 милиони, та з Мадярскей – за 5,74 милиони еври.

ПОВЯЗАНИ ТЕКСТИ