Найвецей мандати СНС и ҐГ„Чедомир Божич-Наша општина Жабель”

автор бас
1k Опатрене

ЖАБЕЛЬ – По нєурядових резултатох, виходносц на виберанки на 31 виберацким месце у штирох местох општини Жабель була 57,18 одсто з 22 210 гласачох котри були уписани у виберацким списку. За 31 одборнїка у Скупштини општини Жабель було дзешец лїстини, а по прелиминарних резултатох цензус прешли шейсц лїстини.

Найвецей гласи на општинским уровню достала лїстина Сербскей напредней странки „Александар Вучич-Сербия победзує” – 4 464, односно 35,14 одсто и у Скупштини општини Жабель можу обчековац 13 одборнїцки места. На другим месце лїстина Ґрупа гражданох „Чедомир Божич-Наша општина Жабель” з 3 083 гласами, цо 24,27 одсто и можу обчековац 9 одборнїцки места.

Треца по числу достатих гласох у општини лїстина „Лиґа социялдемократох Войводини-Ненад Чанак” – 973 гласи, цо 7,66 одсто и вироятно єй припадню 3 одборнїцки места. Штварта лїстина „Ивица Дачич-Социялистична партия Сербиї (СПС)” – 898 гласи, лєбо 7,07 одсто, цо резултат за  2 одборнїки места.

Пията „Ґрупа гражданох Гражданска инициятива”, хтора достала 780 гласи – 6,14 одсто, з чим тиж достаню 2 одборнїцки места, а шеста лїстина „Др Воїслав Шешель-Сербска радикална странка” зоз 763 гласами, односно 6 одсто,зам цо тиж досц за два одборнїки мандати.

Цензус нє прешли штири лїстина – Коалиция „Демократска странка Сербиї-Сербски рух Двери” (624 гласи – 4,91 одсто), Коалиция „Васа Злоколица-СПО, СНП, СДП Сербиї” (572 гласи – 4,5 одсто), „Демократска странка-Милорад Степанов-Ґиша” (353 гласи – 2,77 одсто) и „Народни рух Динара-Дрина-Дунай-Тара Тепич” (190 гласи -1,49 одсто).

ПОВЯЗАНИ ТЕКСТИ