ДЮРДЬОВ – Спрам прелиминарних резултатох Закончуюцого испиту за школярох 8. класох, у ОШ „Йован Йованович Змай” у Дюрдьове испит покладали 54-еро школяре, як и штверо школяре-одроснути з „Другей шанси”.
На тесту з мацеринского – сербского и руского язика – школяре посцигли од 3 до 19 боди, з математики од 1 до 18 боди, а на комбинованим тесту з пейц предметох од 6 по 20 боди.
Школяре з руского оддзелєня гварели же найчежши питаня на тесту були праве з руского язика.
Нєшка од 8 до 16 годзин предвидзени термин за жалби на резултати тестох.