ШВЕТ – Резултати виглєдованя орґанизациї СДСН и Колумбийского универзитету указали же спомедзи 157 анализованих жемох найщешлївши людзе у Данскей, преноши Танюґ.
Окрем у Данскей, людзе найзадовольнєйши у Швайцарскей, Исланду, Норвежскей, Финскей, Канади, Голандиї, Новим Зеланду, Австралиї и Шведскей. Зєдинєни америцки держави на 13. месце, Велька Британия на 23., а Италия на 50. месце.
Сербия того року на тей лїстини завжала 86. место, цо за єдно место висше як влонї, а од державох бувшей Югославиї за ню Босна и Герцеґовина и Чарна Гора.
Сирия, Авґанистан и Подсахарска Африка спадаю ґу найнєщешлївшим жемом.