БЕОҐРАД – Од 1. октобра буду утаргнути такволани двойнїсти надополнєня за хаснованє автодрагох на релацийох Беоґрад-Суботица и Ниш-Прешево, а на тих часцох драгох будзе запровадзена система наплацованя по прейдзеним километру, сообщене з Министерства будовательства, транспорту и инфраструктури.
Як поведзене у сообщеню, з тим ше заобидзе же исту суму надополнєня – 240 динари – плаца вожаче на кратших релацийох од наплатней рампи Бешка по Индїю и тоти котри вожа на релациї Беоґрад-Нови Сад.
На драги Беоґрад-Суботица наплацованє по прейдзеним километру ше будзе применьовац од 1. октобра, а вожаче на драги од Нишу по Лесковац по законченю „полного профилу драги на тей часци”, пише ше у сообщеню.