Нарис закона о финансованю нє одвитує локалним самоуправом

автор сен
870 Опатрене

НОВИ САД – Кед Скупштина Сербиї прилапи Нарис закона о финансованю локалней самоуправи, Нови Сад нарок у своєй каси будзе мац 2,3 милиярди динари менєй, гварел покраїнски секретар за медзиреґионалне сотруднїцтво и локалну самоуправу Бранислав Буґарски.

З одбераньом 30 одсто з плацох, Нарис предвидзує зменшанє приходох локалних самоуправох, наведол Буґарски за 021 и додал же то у ствари значи предлужованє централизациї.

Городоначалнїк Нового Саду Милош Вучевич винєсол становиско Стаємней конференциї городох и општинох же Нарис закона о финансованю локалней самоуправи нєприлапююци, алє наглашел же то лєм Нарис, хтори тераз на явней розправи, та же вери же конєчна верзия предлогу закона будзе прилапююца за локални самоуправи.

Вон ше зложел з премиєром Александром Вучичом же у дзепоєдних локалних самоуправох нєт финансийней дисциплини, алє то нє значи же то так у шицких.

– Вшелїяк же треба санкционовац локални самоуправи хтори потупюю закон и нє справую ше у складзе з препоруками Влади, без огляду хтора странка на власци у тих локалних самоуправох – визначел Вучевич.

ПОВЯЗАНИ ТЕКСТИ