Нарок вименки Закона о защити правох и шлєбодох националних меншинох

автор сен
1.1k Опатрене

БЕОҐРАД – Того тижня почал виробок вименкох Закона о защити правох и шлєбодох националних меншинох, хтори допринєшу унапредзеню положеня националних меншинох, сообщело Министерство державней управи и локалней самоуправи.

Текст Нарису закона о вименкох и дополнєньох пририхтує окремна роботна ґрупа, хтора стреду, 3. децембра, отримала свою першу схадзку. Предсидатель Роботней ґрупи державни секретар у Министерстве державней управи и локалней самоуправи Иван Бошняк винєсол напрямки у виробки Нарису, та термини у хторих би Роботна ґрупа мала реализовац свой задаток. Плановане же вименки и дополнєня буду прилапени у першей половки 2016. року.

На тексту буду робиц и други представителє того министерства, потим з министерствох култури и информованя, правди, просвити, науки и технолоґийного розвою, нукашнїх дїлох.

У Роботней ґрупи и представителє националних совитох националних меншинох и других державних и медзинародних орґанизацийох и институцийох хтори ше занїмаю з правами меншинох.

Министерство державней управи и локалней самоуправи поволує гражданох и фаховцох же би пречитали Нарис окремного Акцийного плану за витворйованє правох националних меншинох, та винєсли свойо коментари и предкладаня.

ПОВЯЗАНИ ТЕКСТИ