Насилство над  женми  вше  векши проблем

автор фес
795 Опатрене

НОВИ САД –  Шлїдом означованя  Медзинародного дня борби процив насилства над женми (25. новембер), як и з нагоди Медзинародного дня людских правох, у орґанизациї Покраїнского секретарияту за привреду, обезпечованє роботи и ровноправносц полох, вовторок, 8. децембра, у Покраїнскей влади бешедоване о насилстве над женми у Войводини.

Представителька Аґенциї „Ковачич и Спаїч” Невена Миличевич собщела резултати виглєдиваня Секретарияту хтори указали же кажди други Войводян, або Войводянка, директно, лєбо поштредно позна жену жертву насилства, а вецей як 40 одсто випитаних нє сиґурни чи би приявели насилство.

9-Zeni-02

 О напрямох ришованя насилства, як и о тим хто и на яки пособ може уплївовац на зменшанє насилства бешедовали подпредсидатель Покраїнскей влади и покраїнски секретар за привреду, обезпечованє роботи и ровноправносц полох Мирослав Васин, помоцнїца покраїнского секретара за обласц родней ровноправносци Анита Беретич и Таня Иґнятович спред Автономного женского центру.

– Лєм у тим року по новембер у Войводини забити 8 жени у фамелийно-партнерских одношеньох. Циль нам же би тот проблем „видзели” и велї други у дружтве, же бизме змоцнєли системски пременки, як и становиско общей явносци – гварел Васин на тим сходзе.

ПОВЯЗАНИ ТЕКСТИ