РУСКИ КЕРЕСТУР – Национални совит (НС) Руснацох нєшка, 21. октобра, розписал Конкурс за додзельованє наградох у форми стипендийох у школским 2015/16. року за найлєпши успих студентом трецого и штвартого рока Одсеку за русинистику Филозофского факултету у Новим Садзе.
Конкурс тирва по 4. новембер, а у цалосци є обявени на сайту Рутенпресу (на правим боку у рубрики „Конкурси”) и на сайту НС Руснацох (www.rusini.rs) на початним боку сайту (у штредку).
Студенти котри сполнюю задати условия, молбу и потребну документацию най пошлю на адресу: Национални совит рускей националней меншини, Фрушкогорска 64, 25233 Руски Керестур, а за потребни информациї мож наволац до Канцелариї НС на числа телефонох (025) 705-222, лєбо 705-333.