ИНДЇЯ – Успениє Пресвятей Богородици у Индїї преславене зоз Службу Божу хтору предводзел декан сримски о. Михайло Режак зоз Шиду, а сослужели Дамян Кича ЧСВВ зоз Кули, о. Владислав Варґа зоз Беоґраду и Сримскей Митровици и о. Михайло Шанта зоз Руского Керестура, а бул и богослов з Нового Саду Ярослав Варґа.
У своєй казанї о. Владислав Варґа бешедовал о Пресвятей Дїви Мариї хтора нам помага, алє и хтора присутна у швеце и треба ю нашлїдзовац у каждодньовим живоце.
Як гварел о. Владислав, на шветочним Богослуженю були велї вирни, хтори на концу пошвецени з пошвецену воду и одшпиване многолїтствиє. Аґапе и кирбайске розположенє предлужени зоз госцами у приватних обисцох.