БЕОҐРАД – Од 4. мая нашлїдствени поступки гражданох, место судох, почали ришовац новтаруши, у складзе з препоруками Верховного касацийного суду. Таке ришенє превжате пре розтерхованє судох, понеже ше у Сербиї рочнє окончи медзи 130 000 и 150 000 нашлїдствени розправи.
Надополнєнє новтарушом за нашлїдствени розправи будзе менше як у суду, гварене у Министерстве правди, а як и дотераз, гражданє вимогу за порушованє нашлїдственого поступку буду подношиц до суду, хтори го вец додзелї новтарушови.
Кед же медзи нашлїднїками будзе даяки спорни ситуациї, на упут новтаруша спори буду ришовани на суду.