Нашо школяре сцигли до Попраду, од нєшка настава у Лєтнєй школи

автор зам; фото сап
1k Опатрене

ПОПРАД (СЛОВАЦКА) – Вчера вечар 29-еро школяре з наших местох сцигли до Попраду у Словацкей, дзе по 24. юлий будзе Лєтня школя руского язика Одбору за образованє Националного совиту (НС) Руснацох.

То други раз же ше Лєтню школу за наших школярох орґанизує у Попрадзе, а на нєй участвую школяре основних школох з Руского Керестура, Коцура, Дюрдьова, Вербасу, Кули, Нового Саду, Нового Орахова, Бачкей Тополї, Суботици, Шиду, Бачинцох и Беркасова. Наставну и програму пребуваня у Лєтнєй школи одобрел Одбор за образованє НС Руснацох.

2-Ljetnja-02

Як и прешлого року, школяре маю безплатне змесценє у интернату Штреднєй школи у Попрадзе, а костиранє, осуґуранє, материял за роботу и други трошки зноши Одбор за образованє НС, хтори за Лєтню школу опредзелєл 250 000 динари.

На Лєтнєй школи руски язик преподаваю Сенка Бенчик и Каролина Папуґа, историю  Иван Канюх, ґеоґрафию Дарко Бобаль, виронауку о. Владимир Еделински Миколка,  музику Сашо Палєнкаш, преподавац будзе и директор Заводу за културу войводянских Руснацох Серґей Тамаш, а спред НС у Попрадзе предсидатель Вивершного одбору Желько Ковач.

2-Ljetnja-03

ПОВЯЗАНИ ТЕКСТИ