БИКИЧ – Делеґация Месней заєднїци (МЗ) Бикич, КПД „Иван Котляревски“ и локалней самоуправи Шид нєшка, 25. новембра одходзи до Бардейова, до Словацкей Републики на фестивал „Маковицка струна“.
По словох, предсидателя Совиту МЗ Бикич и КПД „Иван Котляревски“ Деяна Бобаля, нащива будзе вихаснована же би у Бардейове, Прешове, Стебнику, Вишним Трварожцу, Лукове, Решове, Камюнки и Старей Любовнї домашнїм придали поволанки за Централну преславу националного швета Руснацох 14. януара 2017. року у Бикичу.
Делеґация ше стретнє и з академиком Миколом Мушинком, пре пораду о його рецензиї моноґрафиї хтору Бикичанє рихтаю з нагоди нашого швета.