Нащивени подручни канцелариї у Шидзе и Бикичу

автор влдї
1.4k Опатрене

ШИД/БИКИЧ – Предсидатель Вивершного одбору Националного совиту (НС) Руснацох Желько Ковач и секретар НС Таня Арва Планчак вчера нащивели подручни канцелариї (ПК) НС у Шидзе и Бикичу.

О стану у ПК у Шидзе и з активносцами и планами КПД „Дюра Киш” за тот рок госцох поинформовали подпредсидателька НС и координаторка Подручней канцелариї Наташа Еделинкки Миколка, член НС Юлиян Ковач, подпредсидатель КПД „Дюра Киш” Мирон Джуджар, як и Вера Дупало и Далибор Болдиш.

Бешедоване о роботи секцийох у КПД, плану активносцох на локалних манифестацийох у општини Шид, як и о участвованю КПД на наших фестивалох од националного значеня. Тиж було слова и о образованю, информованю и службеним хаснованю руского язика у шидскей општини.

У Бикичу госцох з НС о стану у ПК и КПД „Иван Котляревски” поинформовал координатор ПК и предсидатель спомнутого дружтва у тим валалє Деян Бобаль.

И Бикичанє планую активносци у своїм валалє, як цо то манифестация „Пришли нам Русадля”, участвовац на наших фестивалох, а тиж и госцовац у иножемстве.

Бобаль наведол же би им за роботу требало обезпечиц єден компютер и народне облєчиво за танєчнїкох.

3-PK-02

ПОВЯЗАНИ ТЕКСТИ