ДЮРДЬОВ – Опрез Рускей школи у Дюрдьове наютре на 14 годзин будзе святочне откриванє бисти нашого спортисти и олимпийца Яши Бакова. По отвераню у просторийох Културно-уметнїцкого дружтва (КУД) „Тарас Шевченко” будзе пригодна програма, як и приказованє краткого филма о познатому Дюрдьовчанови.
Орґанизаторе и иницияторе тей подїї КУД „Тарас Шевченко” и Спортске здруженє Спортских бавискох „Яша Баков” поволую шицких заинтересованих же би пришли возвелїчац тоту значну подїю за шицких Руснацох.