Шветови дзень молитви з мотом „Хто прима дзеци, мнє прима” означени у Земуну и 4. марца у Новим Садзе, у Словацкей євангелистичней А. В. церкви, зоз святочну молитву за Кубу, а у молитвох участвовали и нашо грекокатолїки.
Беоґрадски архиепископ и предсидатель Каритасу Сербиї монс. Станислав Хочевар, директор Каритасу Сербиї о. Владислав Варґа и национални координатор Каритасу Сербиї Дарко Тот, 3. марца у Беоґрадзе нащивели нововибраного нунция (амбасадора Святого пристолу) у Републики Сербиї Лучияна Сурияния.
У Руским културним центре (РКЦ) у Новим Садзе, 5. марца, отримана креативна роботня, хтору РКЦ орґанизує вєдно з Каритасом, а ґрупа школярох зоз Руского Керестура зоз вироучительками ш. Марию и ш. Веронику прешлого мешаца були госци своїм парняком у Новим Садзе.
Цали тексти пречитаце у 10. чишлє наших новинох.