У 40. тогорочним числу „Руского слова” рубрика „Тижньовнїк” наявює активносци Заводу за културу войводянских Руснацох, насампредз участвованє на манифестациї „Опен дейс” у Бриселу, як и формованє приручней библиотеки. Проєкт библиотеки Заводу, хтори прилапени на конкурсу Министерства култури и явного информованя, повод же би ше розпатрела потреба и можлївосци за снованє Националней библиотеки Руснацох, як єдней з фундаменталних институцийох култури.
„Тижньовнїк” пише о отриманим Пиятим беоґрадским безпечносним форуму дзе розпатрани актуални питаня реґионалней и медзинародней вонкашнєй политики, безпечносци и економиї. Медзи медийнима партнерами Форума и НВУ „Руске слово”.