БЕОҐРАД – Гражданє Сербиї на виберанкох 24. априла буду гласац на 8 378 виберацких местох, виявел вчера предсидатель Републичней виберанковей комисиї (РВК) Деян Дюрдєвич.
Аґенциї Танюґ Дюрдєвич гварел же на териториї Сербиї буду отворени 8 311, у гарештох 29, а у иножемстве 38 виберцки места.
До пол ноци 8. априла гражданє маю право до општинскей, односно городскей управи у своїх штредкох послац вимогу за упис до виберацкого списку, односно за пременку у тим списку.
Термин за заключованє виберацкового списку и одредзованє цалосного числа виберачох виходзи 8. априла, а у „Службеним глашнїку” будзе обявени такой по доставаю Ришеня о заключеню виберацкового списку.
З Министерства державней управи и локалней самоуправи 9. марца сообщене же на тот дзень до Єдинственого виберацкого списку уписани 6 милиони 734 802 вибераче, док цалосне число виберачох з правом гласа РВК обяви 72 годзини пред отримованьом виберанкох.
Найпознєйше 13. априла на пол ноци РВК обовязна утвердзиц и у „Службеним глашнїку” обявиц збирну виберанкову лїстину за парламентарни виберанки на державним уровню.