На Вилїю вистава з ґосподїнскей подобовей колониї

автор сас
729 Опатрене

ҐОСПОДЇНЦИ – И того року, традицийно на Вилїю, 6. януара, у ґалериї Месней заєднїци Ґосподїнци отворена вистава з остатнєй, прешлорочней Подобовей колониї „Стретнуце у Боднарова” котра ше отримує влєце у Ґосподїнцох.

Виставу отворели члени Орґанизационого одбору Колониї Любина Пантич и Владимир Салонски, а з тей нагоди свойо стихи гуторели Владимир Кочиш и Мирослав Михняк. На штернастей вистава зоз штернастей Подобовей колониї виложени малюнки осем старших подобових уметнїкох, и малюнки двацец єдного младого уметнїка.

На святочним отверню вистави, котра у тих просторийох будзе виложена по шлїдуюцу виставу, односно 6. януар шлїдуюцого року, були присутни велї гражданє, як и представителє локалних институцийох, општинскей и локалней власци.

ПОВЯЗАНИ ТЕКСТИ