НОВИ САД – Русиново столнотенисере 29. фебруара и 1. марца наступели на Поєдинєчним першенстве Сербиї за кадетох у Новим Садзе. Русин представяли троме бавяче – Сабадош Матей, Фейди Иґор и Колошняї Стефан.
Сабадош прешол квалификациї и вошол медзи од 16 до 32 найлєпших бавячох у Сербиї, од 80 кельо участвовали на змаганю. По словох тренера Драґана Ковачева Матейов реални пласман би требал буц медзи 16 найлєпшима, а спомнути пласман и резултат нєдобре темпирана форма.
Фейди и Колошняї випадли у квалификацийох, а понеже су по рокох младши кадети, то за нїх було вельке виволанє, алє и нагода здобуц нєобходне нове искуство.
Шлїдуюцого викенду, 7. и 8. марца, у Новим Садзе Русиновци буду участвовац на Першенстве Сербиї за младших кадетох и юниорох. Змагац ше буду Фейди Иґор, Колошняї Стефан и Макаї Матей у катеґориї младших кадетох, а медзи юниорами наступи Матей Сабадош.