РУСКИ КЕРЕСТУР – На пондзелок, 9. мая, на Дзень побиди над фашизмом, у Руским Керестуре на 9,45 годзин у парку у центре валалу на памятнїк погинутим борцом НОБ будзе положени венєц, з пригодним словом о погинутих борцох и значеню того датума.
Венєц на памятнїк того року будзе положени на инициятиву младих, насампредз Себастиян Нярадия, котри прейґ Фейсбуку и з окремним видео-клипом поволує шицких Керестурцох же би на пондзелок присуствовали тому збуваню.
Инициятиву потримала Месна заєднїца Руски Керестур, чийо представителє тиж даю почесц погинутим борцом НОВ, а на покладаню венцох буду присуствовац и уж малочислени учашнїки Другей шветовей войни з Керестура.