ПЕТРОВЦИ – На швето велькомученїка Георгия, 23. априла по григориянским календаре, и у грекокатолїцкей парохиї у Петровцох, у Горватскей, пошвецене младе жито.
На предкладанє Церковного одбору жито пошвецене на полю, и по Служби Божей процесия пошла на „Илийово польо“, дзе з молитву ошвеценя петровски вирни, зоз своїм парохом о. Владимиром Седлаком, заволали Божи благослов на їх поля, загради, овоцнїки и винїци.
То бул штварти рок як у петровскей парохиї обновени обичай швецена жита на полю.