КОЦУР – Перши дзень „Коцурскей Жатви 2015”, пияток 10. юния, закончени з окремну вечаршу програму „Жатва за младих”, зоз журку наволану „Тамбуранє”, понеже присутних забавял тамбурови оркестер „Коцурски бетяре”, хтори грал руски и сербски шпиванки.
Опрез Дому култури ше позберало красне число младих, нє лєм з Коцура, алє и з других местох, було и старших нащивительох, котри вєдно уживали у музики, а велї и затанцовали.
На тей успишней, першираз орґанизованей такей програми, була и єдна интересантносц – же ше нащивителє могли фотоґрафовац у ретро-облєчиве, „як дакеди” и такой по фотоґрафованю достац чарно-били фотоґрафиї.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.