РУСКИ КЕРЕСТУР – Треци дзень представяня националних заєднїцох у Войводини на Медзинародним волонтерским кампу у Руским Керестуре волонтером ше представели Мадяре, так же мадярске народне облєчво з Бачкей представели два школярки Основней школи „18. октобер“ з Нового Орахова и їх учителька Сенка Бенчик.
Дзивчата за тоту нагоду пририхтали и кратку програму, та одшпивали штири писнї хтори состойна часц дзецинских бавискох.
Волонтере могли и пробовац женске мадярскей народне облєчиво, а потим правели традицийни мадярски єдла, медзи нїма и нєзаобиходни паприґаш.
Нєшкайши дзень будзе пошвецеци Українцом, а свойо облєчиво и традицию представя Українци з Кули.